2015 jylǵy 27 aqpan, Astana qalasy
Mádenıet jáne óner salasyndaǵy bilim berý uıymdary qyzmetiniń qaǵıdalaryn bekitý týraly
«Mádenıet týraly» 2006 jylǵy 15 jeltoqsandaǵy Qazaqstan Respýblıkasy Zańynyń 7-baby 23-4) tarmaqshasyna sáıkes buıyramyn:
1. Bekitilsin:
1) osy buıryqtyń 1 qosymshasyna sáıkes, mádenıet jáne óner salasyndaǵy joǵary jáne joǵary oqý ornynan keıingi bilim berý uıymdary qyzmetiniń Qaǵıdalary;
2) osy buıryqtyń 2 qosymshasyna sáıkes, mádenıet jáne óner salasyndaǵy tehnıkalyq jáne kásiptik bilim berý uıymdary qyzmetiniń Qaǵıdalary;
3) osy buıryqtyń 3 qosymshasyna sáıkes, mádenıet jáne óner salasyndaǵy daryndy balalarǵa arnalǵan respýblıkalyq mamandandyrylǵan mýzykalyq orta mektep - ınternattaryndaǵy bilim berý qyzmetiniń Qaǵıdalary.
2. Qazaqstan Respýblıkasy Mádenıet jáne sport mınıstrligi, bilim, ǵylymı jumys jáne halyqaralyq yntymaqtastyq departamenti (D.Bolathanulyna):
1) Qazaqstan Respýblıkasynyń Ádilet mınıstrliginde belgilengen tártip boıynsha osy buıryqtyń memlekettik tirkeýin ótkizsin;
2) osy buıryq memlekettik tirkeýden ótkennen keıin, on kúntizbelik kún aralyǵynda resmı baspa betterinde jáne «Ádilet» aqparattyq-quqyqtyq júıesine jarııalansyn;
3) resmı baspada jarııalanǵannan keıin Qazaqstan Respýblıkasy mádenıet jáne sport Mınıstrliginiń ınternet – resýrsyna qoıylsyn;
4) osy buıryq Qazaqstan Respýblıkasynyń Ádilet mınıstrliginde memlekettik tirkeýden ótkennen keıingi on jumys kúni aralyǵynda Qazaqstan Respýblıkasy mádenıet jáne sport Mınıstrliginiń Zań departamentine osy 2 - shi buıryqtyń 1), 2), 3) tarmaqshalarynyń oryndalýy qadaǵalansyn;
3. Osy buıryqtyń oryndalýyn baqylaý Qazaqstan Respýblıkasy Mádenıet jáne sport vıse-mınıstri Ǵ. Ahmedıarovqa júktelsin.
4. Osy buıryq alǵashqy resmı jarııalaǵan kúninen bastap kúntizbelik on kún ótken soń qoldanysqa engizilsin.
Qazaqstan Respýblıkasy Mádenıet jáne sport mınıstri A.MUHAMEDIULY.
KELISILDI
Qazaqstan Respýblıkasy Bilim jáne ǵylym mınıstri
A. Sárinjipov_____________
31 naýryz 2015 jyl
Qazaqstan Respýblıkasy Mádenıet jáne sport mınıstriniń 2015 jylǵy 27 aqpandaǵy №77 buıryǵyna 1-qosymsha
Mádenıet jáne óner salasyndaǵy joǵary jáne joǵary oqý ornynan keıingi bilim berý uıymdary qyzmetiniń qaǵıdalary
1. Jalpy erejeler
1. Osy mádenıet jáne óner salasyndaǵy joǵary jáne joǵary oqý ornynan keıingi bilim berý uıymdary qyzmetiniń Qaǵıdalary (budan ári–Qaǵıdalar) Qazaqstan Respýblıkasynyń joǵary bilim berý baǵdarlamalaryn iske asyratyn bilim berý uıymdary qyzmetiniń tártibin «Bilim týraly» 2007 jylǵy 27 shildedegi (budan ári – Bilim týraly Zań), «Mádenıet týraly» 2006 jylǵy 15 jeltoqsandaǵy (budan ári – Mádenıet týraly Zań) Qazaqstan Respýblıkasynyń Zańdaryna jáne «Tıisti úlgidegi bilim berý uıymdary qyzmetiniń úlgilik qaǵıdalaryn, onyń ishinde balalarǵa arnalǵan qosymsha bilim berý baǵdarlamalaryn iske asyratyn bilim berý uıymdary qyzmetiniń úlgilik qaǵıdalaryn bekitý týraly» 2013 jylǵy 17 mamyrdaǵy № 499 Qazaqstan Respýblıkasy Úkimetiniń qaýlysyna sáıkes aıqyndaıdy.
2. Mádenıet jáne óner salasyndaǵy joǵary jáne joǵary oqý ornynan keıingi bilim (budan ári – joo), joǵary oqý oryndarynyń mynadaı túrlerinde júzege asyrylady:
ulttyq zertteý ýnıversıtetterinde;
ulttyq joǵary oqý oryndarynda;
ýnıversıtetterde;
konservatorııalarda;
akademııalarda.
3. JOO negizgi mindetteri ulttyq jáne jalpy adamı qundylyqtar, ǵylymı jáne praktıkalyq jetistikter negizinde tulǵanyń kásibı qalyptasýy men damýyna baǵyttalǵan bilim berý baǵdarlamalaryn meńgerý úshin qajetti jaǵdaılardy jasaý arqyly joǵary jáne joǵary oqý ornynan keıingi bilimi bar kadrlardy daıarlaý bolyp tabylady.
4. JOO óz qyzmetin bilim berý jáne ǵylym qyzmetin reglamentteıtin Qazaqstan Respýblıkasynyń Konstıtýsııasyna, bilim týraly, ǵylym týraly, mádenıet týraly Qazaqstan Respýblıkasynyń Zańdaryna sáıkes, sondaı-aq
Qaǵıdalarmen jáne onyń negizinde ázirlengen joo jarǵysymen júzege asyrady.
5. JOO oqý baǵdarlamalaryn iske asyratyn bilim berý uıymdary óz qyzmetin Qazaqstan Respýblıkasynyń qoldanystaǵy zańnamasyna sáıkes berilgen lısenzııanyń negizinde júzege asyrady.
2. JOO uıymdary qyzmetiniń tártibi
7. JOO basqarý Qazaqstan Respýblıkasynyń qoldanystaǵy zańnamasyna, Qaǵıdalarǵa jáne joo jarǵysyna sáıkes júzege asyrylady.
8. JOO-ny tikeleı basqarýdy Qazaqstan Respýblıkasynyń qoldanystaǵy zańnamasyna sáıkes qyzmetke taǵaıyndalatyn (saılanatyn) jáne qyzmetten bosatylatyn rektor (basshy) júzege asyrady.
9 JOO rektorynyń (basshysynyń) sany men fýnksıonaldyq baǵyty Qazaqstan Respýblıkasynyń zańnamasymen belgilenetin orynbasarlary – prorektorlary bolady.
10. JOO rektory (basshysy) joo atynan senimhatsyz áreket etedi, barlyq organdarda onyń múddelerin bildiredi, Qazaqstan Respýblıkasynyń zańnamasynda belgilengen tártippen joo múlkin basqarady, sharttar jasaıdy, senimhattar beredi, bank shottaryn ashady jáne ózge de mámileler jasaıdy, barlyq qyzmetkerlerge, oqytýshylar men bilim alýshylarǵa mindetti buıryqtar men ókimder shyǵarady.
11. JOO rektory (basshy) ózine berilgen quqyqtar sheginde qarjy, ekonomıkalyq, óndiristik-sharýashylyq qyzmet máselelerin sheshedi.
12. Memlekettik joo rektory Qazaqstan Respýblıkasynyń zańnamasynda jáne joo jarǵysynda belgilengen tártippen úsh jylda bir ret attestattaýdan ótedi.
13. Rektordyń kandıdatýrasy bilim salasyndaǵy ýákiletti organ bekitken pedagogıka qyzmetkerleri jáne olarǵa teńestirilgen adamdar laýazymdarynyń úlgilik biliktilik sıpattamalaryna (budan ári – laýazymdardyń biliktilik sıpattamalary) sáıkes kelýi tıis.
14. JOO rektory (basshy) Qazaqstan Respýblıkasynyń zańdarynda belgilengen tártippen:
1) bilim berý uıymy bilim alýshylarynyń, qyzmetkerleriniń quqyqtary men bostandyqtaryn buzǵany;
2) óziniń quzyretine jatqyzylǵan fýnksııalardy oryndamaǵany;
3) joǵary jáne joǵary oqý ornynan keıingi memlekettik jalpyǵa mindetti bilim berý standartynyń talaptaryn buzǵany;
4) bilim berý uıymy bilim alýshylarynyń jáne qyzmetkerleriniń oqý-tárbıe úrdisi kezindegi ómiri men densaýlyǵy;
5) qarjy-sharýashylyq qyzmettiń jaı-kúıi, onyń ishinde materıaldyq jáne aqsha qarajattaryn nysanaly paıdalanbaǵany;
6) normatıvtik quqyqtyq aktilerde jáne eńbek shartynda kózdelgen ózge de talaptardy buzǵany úshin jaýapty bolady.
15. JOO alqalyq basqarý organdary qurylady. JOO alqalyq basqarý nysandary retinde ǵylymı, baqylaý, qamqorshylyq nemese kórkemdik keńesteri bola alady.
16. JOO qurylymyn ózi derbes aıqyndaıdy jáne bekitedi. Bul rette qurylymdyq bólimsheler joo qyzmetiniń barlyq túrlerin qamtıdy.
17. JOO óziniń qurylymdyq bólimsheleri týraly erejelerin derbes ázirleıdi jáne bekitedi, onda joo-n basqarýdyń uıymdyq qurylymynyń mártebesi, negizgi baǵyttary, fýnksııalary, quqyqtary, mindetteri men jaýapkershilikteri aıqyndalady.
18. JOO biliktilik talaptaryna sáıkes quqyqtary, mindetteri men jaýapkershilikteri aıqyndalatyn joo qyzmetkerleriniń laýazymdyq nusqaýlyqtaryn derbes ázirleıdi jáne bekitedi.
19. Shtattyq kesteni joo derbes aıqyndaıdy jáne ony rektor jyl saıyn bekitedi.
20. JOO-nyń qurylymdyq bólimsheleri óz qyzmetin osy Qaǵıdalar, joo jarǵysy negizinde júzege asyrady, al olardyń sanyn atalǵan joo mamandyqtarynyń, bilim berý baǵdarlamalarynyń tizbesine, sondaı-aq bilim alýshylar men oqytýshylardyń sanyna qaraı keńes belgileıdi.
21. Fakýltet bir nemese birneshe mándes mamandyqtar boıynsha oqytýdy júzege asyratyn, ǵylymı jáne ákimshilik qyzmetti, sonymen qatar, fakýltet mamandyqtaryna jatatyn kafedralar men zerthanalardyń jumysynyna basshylyq etetin joo-nyń negizgi qurylymdyq bólimshesi bolyp tabylady.
22. Fakýltet kúndizgi, syrtqy jáne eksternat nysanynda mamandar daıarlaýdy júzege asyrady.
23. Fakýltet jumysyn dekan júzege asyrady. Dekannyń kandıdatýrasy pedagog qyzmetkerler laýazymdarynyń úlgilik biliktilik sıpattamalarynyń talaptaryna sáıkes kelýi tıis. Fakýltet basshysynyń laýazymdyq mindetteri Qazaqstan Respýblıkasynyń zańnamasynda belgilengen tártippen aıqyndalady.
24. Dekan joo qabyldaý jáne attestattaý komıssııasynyń múshesi bolyp tabylady.
25. Fakýltet ishinde dekannyń tóraǵalyq etýimen óz jumysyn joo keńesi bekitken qaǵıdalarǵa sáıkes uıymdastyratyn fakýltet keńesi uıymdastyrylýy múmkin.
26. Kafedra bir nemese birneshe mándes pánder boıynsha oqý, ádistemelik, ǵylymı zertteý jumysyn (budan ári ǴZJ), shyǵarmashylyq jumys jáne sonymen qatar bilim alýshylar arasynda tárbıe jumysyn júzege asyratyn joo-nyń (fakýltettiń) negizgi qurylymdyq bólimshesi bolyp tabylady.
27. Kafedra shtaty professorlyq-oqytýshylyq quramnyń jumys kólemine jáne ortasha jyldyq pedagogıkalyq júktemege qaraı aıqyndalady.
28. Kafedra shtatyna kafedranyń meńgerýshisi, professorlar, dosentter, aǵa oqytýshylar, oqytýshylar, oqý-kómekshi personal, sondaı-aq kafedra janynan qurylǵan ǵylymı jáne basqa da qurylymdyq bólimsheler kiredi.
29. Kafedrany meńgerýshi basqarady, onyń kandıdatýrasy pedagog qyzmetkerler laýazymdarynyń úlgilik biliktilik sıpattamalarynyń talaptaryna sáıkes kelýi tıis. Kafedra meńgerýshisiniń laýazymdyq mindetteri Qazaqstan Respýblıkasynyń zańnamasynda belgilengen tártippen aıqyndalady.
30.Tıisti mamandyqtar boıynsha joo-nyń bilim berý qyzmetin lısenzııalaý kezinde qoıylatyn biliktilik talaptaryna sáıkes kafedra beıini boıynsha shtattyq oqytýshy bolǵanda kafedra uıymdastyrylady. Shtattyq oqytýshylar sanyna shaqqanda ǵylymı dárejesi men ǵylymı ataǵy bar oqytýshylardyń, onyń ishinde Qazaqstan Respýblıkasynyń qurmetti ataqtary memlekettik nagradalary bar oqytýshylar óner joo men konservatorııada keminde bakalıarıat úshin 35%-dy, magıstratýra úshin 60%-dy jáne doktorantýra úshin 100%-dy quraýy tıis.
31. Bekitilgen oqý pánderiniń sıkly boıynsha kafedralar jalpy bilim beretin jáne arnaıy bolyp synyptalady.
32. Kerek jaǵdaıda joo-da «Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasynyń 9 zańyndaǵy 3 tarmaqqa saı ázirlengen azamattardy áskerı qyzmetke daıyndaý erejesinde bekitilgen tártipke saı (áskerı) nemese basqa da múddeli taraptardyń arnaıy kafedralary uıymdastyrylady.
33. Mádenıet jáne óner salasyndaǵy kafedra jumysy joǵary jáne joǵary oqý ornynan keıingi bilim baǵdarlamalary mazmunyna sáıkes mamandardy teorııalyq jáne praktıkalyq daıyndaýǵa baǵyttalýy tıis.
34. Kafedra jyldyq jumys josparyna sáıkes oqý-ádistemelik, ǵylymı-zertteý, shyǵarmashylyq jáne tárbıe jumysyn júzege asyrady.
3. JOO qyzmetine qoıylatyn negizgi talaptar
35. Oqý úrdisin tıimdi uıymdastyrý, materıaldyq aktıvter men resýrstardy utymdy paıdalaný, ýnıversıtetter men konservatorııalarda bilim berý qyzmetine tartylǵan kúndizgi oqý nysany boıynsha bilim alýshylardyń eń az kontıngenti 1500 adamǵa, akademııalarda 700 adamǵa sáıkes bolýy qajet.
36. Bilim alýshylardyń keltirilgen kontıngenti olardyń kúndizgi jáne syrttaı oqý nysandary boıynsha sanyna qaraı aıqyndalady.
JOO-nyń kúndizgi jáne syrtqy oqý nysandaryndaǵy stýdentterdiń araqatynasy keminde 4:1 bolýy tıis. JOO-da bilim alýshylar kontıngentiniń sandyq quramy bir oqytýshyǵa shaqqanda mamandyqtarǵa oraı kelesi normatıvterge sáıkes kelýi tıis: óner jáne mádenıet – 3,5:1; mýzyka jáne án salý – 6:1; basqa barlyq mamandyqtar boıynsha: kúndizgi oqytý nysany úshin – 8:1; magıstratýrada – 4:1; doktorantýrada –3:1.
37. JOO bilim alýshylarynyń kontıngenti “Bilim berý obektilerine qoıylatyn sanıtarııalyq-epıdemıologııalyq talaptar” sanıtarııalyq qaǵıdalaryn bekitý týraly normatıvtik quqyqtyq kesimderdi memlekettik tirkeýdiń Memlekettik Reestri tizilimine 10275 nómerimen tirkelgen, 2014 jylǵy 29 jeltoqsandaǵy Qazaqstan Respýblıkasy Ulttyq ekonomıka Mınıstriniń buıryǵymen qarastyrylatyn bir bilim alýshyǵa shaqqandaǵy oqý alańynyń sanıtarlyq normalaryna saı kelýi tıis.
38. JOO-da akademııalyq toptyń tolymdylyǵyn bilim berý uıymdary derbes aıqyndaıdy.
39. Damý múmkindikteri shekteýli azamattar, onyń ishinde múgedekterge jeke qajettiligin eskere otyryp bilim alýyna arnaıy jaǵdaılar jasalady.
4. JOO-nyń oqý, tárbıe jáne shyǵarmashylyq qyzmeti
40. JOO-ǵa bilim alýshylardy qabyldaý «Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryn bekitý týraly» 2012 jylǵy 19 qańtardaǵy № 109 Qazaqstan Respýblıkasy Úkimetiniń qaýlysyna sáıkes konkýrstyq negizde júzege asyrylady.
41. JOO-da joǵary jáne joǵary oqý ornynan keıingi bilimi bar kadrlardy daıyndaý, mazmuny men oqytý merzimderi ártúrli bilim baǵdarlamalary boıynsha júrgiziledi.
Ulttyq zertteý ýnıversıtetterinde oqytý kúndizgi nysanda ǵana júzege asyrylady.
42. JOO-nyń oqý-ádistemelik jumysy:
1) akademııalyq kúntizbe, jumystyq oqý josparlary men baǵdarlamalar ázirleýdi, elektıvtik pánder katalogtaryn, sıllabýstar, pánder men mamandyqtardyń oqý-ádistemelik keshenderin ázirleýdi;
2) oqý pánderin oqýlyqtarmen, oqý quraldarymen, esepter jınaǵymen, keshendi tapsyrmalarmen, zerthanalyq, baqylaý, kýrstyq jumystar boıynsha quraldarmen, pándi oqý boıynsha ádistemelik usynymdarmen, sondaı-aq aǵymdaǵy, mejelik jáne qorytyndy bilim baqylaýy, barlyq oqý nysandary boıynsha bilim alýshylardy qorytyndy attestattaý materıaldarymen oqý-ádistemelik qamtamasyz etýdi;
3) kásiptik praktıkalardyń barlyq túrleriniń baǵdarlamalaryn, sondaı-aq (dıplomdyq jumystardy/jobalardy, spektaklder, bitirýshi kórsetilimderi) bitirýshi biliktilik jumysyn nemese qoıylymyn jazý týraly ádistemelik quraldy ázirleý;
4) bilim alýshylardyń oqý materıalyn meńgerýin arttyratyn zamanaýı bilim tehnologııalary men oqytý ádisterin ázirleýdi;
5) izdeniske, taldaýǵa jáne qyzmet nátıjelerin qalyptastyrýǵa qabilettiligin damytýǵa baǵyttalǵan stýdentterdiń ózindik jumysyn oqý-ádistemelik qamtamasyz etýdi;
6) oqytýshylar men mamandardyń biliktiligin arttyrý jáne qaıta daıarlaý baǵdarlamalaryn ázirleýdi qamtıdy.
43. JOO oqý jáne ádistemelik jumystyń mazmunyn josparlaýdy, uıymdastyrý tásilin, qurylymyn kredıttik oqytý tehnologııasy negizinde júzege asyrady.
44. Oqý-ádistemelik qyzmetin uıymdastyrý akademııalyq kúntizbe, oqý sabaqtarynyń kestesi negizinde júzege asyrylady.
Oqý qyzmetiniń qurylymy oqý josparlarynyń (úlgilik, jeke, jumys) jáne kásiptik oqý baǵdarlamalarynyń, oqý júktemesi kóleminiń, akademııalyq kezeńder uzaqtyǵynyń, akademııalyq sabaq túrleriniń, oqý materıaly kóleminiń negizinde qalyptasady.
45. Bilim berý baǵdarlamalary kásiptik standarttar jáne bilim alýshylardyń quzyrettiligin qalyptastyrý qaǵıdattary negizinde ázirlenedi.
46. Akademııalyq kúntizbe, mamandyqtardyń jumys oqý josparlary men professorlyq-oqytýshylyq quramnyń ortasha jyldyq pedagogıkalyq júktemesi joo keńesiniń sheshimimen bekitiledi.
47. Oqytýdy daralandyrýǵa baǵyttalǵan kredıttik oqytý tehnologııasynyń negizgi qaǵıdattaryn iske asyrý maqsatynda tańdaý boıynsha komponent pánderiniń annotasııalanǵan tizbesin qamtıtyn elektıvti pánder katalogy jasalady.
48. JOO-da oqý jumysynyń mynadaı negizgi túrleri belgilenedi: dárister, praktıkalyq (semınarlar), zerthanalyq, stýdııalyq sabaqtar, jeke sabaqtar, stýdenttiń ózindik jumysy, kýrstyq, eseptik-grafıkalyq jumystar, kásiptik praktıkalardyń barlyq túrleri, qorytyndy attestattaýǵa daıyndyq jáne odan ótý.
Dárister men semınarlar, praktıkalyq, stýdııalyq, zerthanalyq jeke sabaqtar arasyndaǵy kredıt kóleminiń araqatynasyn joo úlgilik oqý josparyna sáıkes anyqtaıdy.
49. Dáris sabaqtaryn ótkizýge, bitirýshiniń biliktilik jumysyna jetekshilik etýge, stýdenttiń ǴZJ professor, dosent, aǵa oqytýshy laýazymdaryn atqaratyn oqytýshylar jiberiledi.
50. Dárister oqýǵa jáne/nemese basqa oqý sabaqtarynyń túrlerin ótkizýge, eńbegi sińgen mádenıet qaıratkeri, óner qaıratkerleri, nemese, mamandyq beıini boıynsha keminde 3 jyl praktıkalyq tájirıbesi bar tájirıbeli mamandar da tartylýy múmkin.
51. Oqý jumysynyń basqa túrleri atqaryp otyrǵan laýazymyna qaramastan barlyq oqytýshylardyń pedagogıkalyq júktemesine kirýi múmkin.
52. Oqý jumysy aýdıtorııalyq (dárister, semınarlar, praktıkalyq)stýdııalyq, jeke jáne zerthanalyq sabaqtar) jáne aýdıtorııadan tys dep bólinedi, oǵan oqý jumysynyń barlyq qalǵan túrleri kiredi.
53. Bilim alýshylardyń joǵary bilim berý baǵdarlamalaryn meńgerýi úshin barynsha qolaıly jaǵdaılar jasaı otyryp, joo oqytý nysandaryn, ádisteri men quraldaryn derbes anyqtaıdy.
Bul rette oqý sabaqtary ınnovasııalyq oqytý tehnologııalaryn eskere otyryp, ǵylym, tehnıka, tehnologııalar, aqparattyq júıelerdiń eń ozyq jetistikterin paıdalana otyryp jáne ınteraktıvti nysanda ótkiziledi.
54. JOO oqytýshysy oqý josparlary men oqý baǵdarlamalarynyń talaptaryn saqtaý shartymen, oqý sabaqtaryn uıymdastyrý jáne ótkizý tásilderi men nysandaryn, oqytý ádisterin tańdaý erkindigine ıe.
55. Joǵary bilim berýdiń bilim baǵdarlamalary pánderdiń úsh sıklyn qamtıdy: jalpy bilim beretin pánder sıkly, bazalyq pánder sıkly jáne beıindelgen pánder sıkly, sondaı-aq qosymsha oqytý túrleri (mamandyq boıynsha kásiptik praktıka, dene shynyqtyrý (rıtmıka) jáne taǵy basqa) jáne qorytyndy attestattaý.
56. Pánderdiń ár sıkly tizbesi men mazmuny úlgilik oqý josparlarynda jáne tıptik oqý baǵdarlamalarynda anyqtalatyn mindetti komponent pánderinen, sondaı-aq tizbesi men mazmuny jumystyq oqý josparlarynda anyqtalatyn elektıvtik pánder katalogi, jumystyq oqý baǵdarlamalarynda jáne sıllabýstarda aıqyndalatyn tańdaý komponenti pánderinen turady.
Árbir pán, ádette, bir akademııalyq kezeń ishinde oqytylady.
57. Oqytý barlyq oqý nysandaryna birdeı oqý baǵdarlamalary negizinde júzege asyrylady.
58. JOO-da oqý úrdisi tehnıkalyq jáne kásiptik, orta bilimnen keıingi nemese joǵary bilimi bar adamdar úshin jedeldetilgen oqý merzimimen qysqartylǵan oqý baǵdarlamalary boıynsha uıymdastyrylýy múmkin.
Bul jaǵdaıda kólemderiniń jetkiliktigi jáne bilim berý baǵdarlamasynyń sabaqtastyǵy shartymen kredıtterdi esepteý jáne buryn ıgergen pánderdi esepke alý júzege asyrylady. Oqý aýqymy men merzimi transkrıpt (dıplomǵa qosymshalar) negizinde aıqyndalatyn bilim alýshylardyń prerekvızıtteri eskerile otyryp aıqyndalady.
Tehnıkalyq jáne kásiptik jáne orta bilimnen keıingi bilimi bar adamdar úshin qysqartylǵan baǵdarlamalary boıynsha kúndizgi nysan boıynsha oqý merzimi keminde 3 jyldy, joǵary bilimi bar tulǵalar úshin keminde 2 jyldy quraıdy.
59. Bilim alýshylardyń kásiptik praktıkasy, oqý jáne ǵylymı taǵylymdamasy, ǴZJ jáne ekperımentaldyq-zertteý jumysy akademııalyq kúntizbege sáıkes júrgiziledi.
Kásiptik praktıka oqytý úrdisinde alynǵan teorııalyq bilimderdi bekitýge, praktıkalyq daǵdylar men quzyretterdi meńgerýge baǵyttalǵan.
60. JOO ázirlegen baǵdarlama mazmuny jáne kásiptik praktıka bazasy mamandyq beıinine (bilim baǵdarlamasyna) sáıkes kelýi tıis.
61. JOO oqý jyly bastalǵanǵa deıin «Kásiptik praktıkany ótkizýge arnalǵan úlgilik sharttyń nysanyn bekitý týraly» normatıvtik quqyqtyq kesimderdi memlekettik tirkeýdiń Memlekettik Reestri tizilimine 5053 nómerimen tirkelgen, 2007 jylǵy 29 qarashadaǵy № 582 Qazaqstan Respýblıkasynyń Bilim jáne ǵylym mınıstriniń bekitilgen buıryǵymen 1 aı buryn kásiptik praktıkany uıymdastyrý boıynsha úlgilik sharttyń nysanyna sáıkes praktıka bazalarymen tıisti sharttar jasaıdy.
62. Kásiptik praktıkanyń barlyq túrlerine joldama merzimi, bazasy men basshysyn kórsete otyryp, joo rektorynyń buıryǵymen rásimdeledi.
Dıplom aldy praktıkaǵa ǵylymı jetekshilikti bitirýshiniń biliktilik jumysynyń ǵylymı jetekshisi júzege asyrady.
63. Syrtqy bólimde bilim alýshylar mamandyǵy boıynsha jumys istegen jaǵdaıda, kásiptik praktıkadan bosatylady. Bul jaǵdaıda olar joo-na kásibı qyzmetin kórsetetin jumys ornynan anyqtama, qyzmeti baldyq baǵamen baǵalanǵan minezdeme ákelýleri qajet.
64. JOO bilim alýshylardyń aǵymdaǵy jáne mejelik úlgerimin baqylaý jáne aralyq attestattaýdan ótkizý nysandaryn, tártibi men merzimdiligin derbes tańdaıdy.
65. Bilim alýshylardy oqý pánderine tirkeý, meńgerilgen kredıtterdi esepke alý, aralyq attestattaýdy ótkizý jáne bilim alýshylardyń oqý jetistikteriniń búkil tarıhyn júrgizý úshin joo-da ofıs tirkeýshi qurylady.
66. Ofıs tirkeýshi mynadaı fýnksııalardy atqarady:
1) bilim alýshylardy oqý pánderine tirkeýdi júrgizedi;
2) akademııalyq toptar men lekter qurady;
3) bilim alýshylardyń jeke oqý josparlaryn belgilengen tártippen tirkeıdi;
4) bilim alýshylardyń aralyq jáne qorytyndy attestattalýyn uıymdastyrady jáne ótkizedi;
5) bilim alýshylardyń akademııalyq reıtıngin esepteýdi júzege asyrady;
6) oqytýdyń barlyq kezeńi ishinde jáne búkil oqytý kezeńinde bilim alýshylardyń ıgergen kredıtterin esepke alýdy júrgizedi;
7) bilim alýshylardyń transkrıptin jazyp beredi;
8) akademııalyq utqyrlyqty uıymdastyrady.
67. Oqý úderisi men ǴZJ qamtamasyz etý maqsatynda joo-da oqý jáne mamandandyrylǵan zerthanalar kózdelgen.
Zerthana jabdyǵy zamanaýı jáne adekvattyq bakalavrlar, magıstranttar jáne PhD daıarlaýdyń baǵdarlamalaryna saı bolýy tıis.
68. Oqý jáne tárbıe jumysy bilim alýshylar men professorlyq-oqytýshylyq quramynyń adamdyq qadir-qasıetin ózara qurmetteý negizinde júzege asyrylady.
69. JOO-nyń tárbıe qyzmeti oqý úrdisiniń quramdas bóligi bolyp tabylady jáne tulǵanyń kásibı, áleýmettik, zııatkerlik, adamgershilik, shyǵarmashylyq qasıetteri men salaýatty ómir saltyn qalyptastyrýǵa baǵyttalǵan.
70. JOO-nyń tárbıe jumysy tárbıe jumysy boıynsha keshendi jospar negizinde júzege asyrylady.
JOO-nyń tárbıe jumysy:
1) bilim alýshylardyń boıynda óz betinshe jáne bilikti túrde sheshimder qabyldaý men biliktilikti júzege asyrý ıkemdilikterin qalyptastyrý;
2) bilim alýshylardyń boıynda patrıotızm, azamattylyq, ınternasıonalızm, joǵary moral men adamgershilikti qalyptastyrý;
3) bilim alýshylardy salaýatty ómir saltyna, qoǵamdyq is-sharalarǵa belsendi qatysýǵa yntalandyrý;
4) kafedra beıini boıynsha bilim alýshylardyń oı-órisin keńeıtýge, tańdaǵan mamandyǵyna qundylyq qatynasty qalyptastyrýǵa yqpal etetin taqyryptyq is-sharalar ótkizý;
5) jalpy bilim beretin orta mektepterde, tehnıkalyq jáne kásiptik bilim berý uıymdarynda bilim alýshylardyń arasynda kásiptik baǵdarlaý jumysyn júrgizý kiredi.
71. Shyǵarmashylyq qyzmet oqý úrdisiniń quramdas bóligi jáne bolashaq mamandardyń kásibı quzyrettiligin, shyǵarmashylyq áleýetin ashý jáne mádenıet jáne óner salasynda arnaıy daǵdylaryn qalyptastyrýǵa baǵyttalǵan.
5. Bilimdi baqylaý men baǵalaý
72. Kásibı daıyndyqtary men oqý jetistikterin baǵalaý úshin joo-da bilim alýshylardyń bilimin baqylaý men baǵalaý júıesi uıymdyq-quqyqtyq nysandaryna, oqytý jáne baǵynystylyq nysandaryna qaramastan jumys isteıdi.
73. JOO-da bilim alýshylardyń oqý jetistikterin baqylaý jáne baǵalaý júıesi túrli nysandardy qamtıdy: úlgerimdi aǵymdaǵy baqylaý, bilim alýshylardy aralyq attestattaý jáne qorytyndy memlekettik attestattaý.
74. Bilim alýshylardyń úlgerimin aǵymdaǵy baqylaý pánniń oqý baǵdarlamasyna sáıkes aǵymdaǵy sabaqtarda oqytýshy júrgizetin bilim alýshylardyń oqý jetistikterin júıeli tekserýdi qamtamasyz etedi.
75. Pánniń oqý baǵdarlamasy bilim alýshylardyń úlgerimin aǵymdaǵy baqylaýdyń alýan túrlerin aıqyndaıdy: aýyzsha suraý, jazbasha baqylaý, quramdastyrylǵan baqylaý, úı tapsyrmalaryn tanystyrý, pikirtalastar, trenıngter, dóńgelek ústelder, keıs-stadıler, testter.
76. Kýrstyq, shyǵarmashylyq, esepteý-grafıkalyq jáne oqý josparynda kózdelgen basqa da jumys túrleri emtıhan sessııasy bastalǵanǵa deıin qorǵalyp, osy pánnen emtıhanǵa jiberý qyzmetin atqarýy tıis. Osy jumys túrleri boıynsha baǵalaýlar pánnen emtıhanǵa jiberý reıtıngisin esepteý kezinde (ıaǵnı reıtıngilik baqylaý júrgizý kezinde) eskerilýi tıis.
Eger oqý josparyna sáıkes pán boıynsha baqylaý nysany kýrstyq jumys (joba), kórsetilim, qoıylym bolyp qana aıqyndalsa, onda qorǵaý baǵasy jalpy pán boıynsha jalpy qorytyndy baǵa bolyp tabylady.
77. Bilim alýshylardyń ár pánnen oqý jetistikteriniń deńgeıi emtıhanǵa jiberý reıtıngisiniń baǵasynan, emtıhan baǵasynan quralatyn qorytyndy baǵamen aıqyndalady, olardyń somasy qorytyndy baqylaý baǵasyn qalyptastyrady. Emtıhanǵa jiberý reıtıngisiniń baǵasy úlgerimdi aǵymdaǵy baqylaý baǵasy men mejelik baqylaý baǵasynan quralady. Emtıhanǵa jiberý reıtıngisiniń baǵasy pánnen qorytyndy bilim baǵasynyń 60%-yn quraıdy.
78. Úlgerimdi aǵymdaǵy baqylaý nátıjelerin esepke alýdy oqytýshy stýdentterdiń jeke sabaq túrlerin oryndaý men tapsyrý shamasyna qaraı sıllabýsqa sáıkes júrgizedi. Tapsyrmalardy oryndaý stýdentterdiń sabaqqa qatysý jáne úlgerim jýrnalynda, sondaı-aq aqparattyq júıedegi bilim alýshylardyń bilimin aǵymdaǵy baqylaýdyń elektrondyq tizbesinde tirkeledi.
79. Syrttaı oqytý nysandarynyń stýdentteri emtıhanǵa jiberý reıtıngin barlyq tıisti tapsyrmalardy oryndaý shartymen belgilengen keste boıynsha emtıhan sessııasy bastalǵanǵa deıin jınaıdy.
80. Eksternat nysanynda bilim alýshylar joo qurylymdyq bólimshesiniń basshysy bekitken jeke keste boıynsha emtıhanǵa jiberý reıtıngin jınaıdy.
81. Qorytyndy baqylaý aralyq attestattaý kezeńinde júrgiziledi. Qorytyndy baqylaýdy baǵalaý pán boıynsha bilimdi qorytyndy baǵalaýdyń 40%-yn quraıdy.
Qorytyndy baǵalaý bilim alýshy jiberý reıtıngisimen qorytyndy baqylaýdan oń baǵa alǵan jaǵdaıda ǵana esepteledi.
82. Bilim alýshy jiberý reıtıngisiniń qorytyndy baqylaý baǵalaryna apellıasııa jasaýǵa quqyǵy beriledi. Osy maqsatta ýnıversıtet rektorynyń buıryǵymen biliktiligi apellıasııalanýshy pán beıinine sáıkes keletin oqytýshylar quramynan apellıasııalyq komıssııa qurylady.
83. Kásiptik praktıka qorytyndylary boıynsha stýdentter tıisti kafedraǵa esep tapsyrady, ony jetekshi men keńesshi tekseredi jáne kafedra meńgerýshisi ókimimen qurylǵan komıssııa aldynda qorǵaıdy. Esepti qorǵaý nátıjeleri baǵalaýdyń belgilengen baldyq-reıtıngilik áriptik júıesi saralanǵan synaqpen baǵalanady.
Praktıka boıynsha (ádette oqý, oqý-tanystyrý, oryndaýshylyq) bir jetekshini taǵaıyndaý kezinde baǵa kórsetilgen bilimge sáıkes usynylǵan esepti qorǵaý qorytyndylary boıynsha qoıylady.
Praktıka boıynsha eki jetekshini taǵaıyndaý kezinde (ádette pedagogıkalyq, óndiristik, dıplom aldy) praktıka bazasynan jetekshisiniń úles salmaǵy qorytyndy baǵalaýda 40%-dy quraıtyn baǵasy men joo barǵan jetekshiniń qorytyndy baǵalaýda 60%-dy quraıtyn baǵasy eskerile otyryp qorytyndy baǵa qoıylady.
84. Praktıkadan ótpegen, praktıka baǵdarlamalaryn oryndamaǵan, jumysy týraly teris pikir alǵan nemese esepti qorǵaý kezinde qanaǵattanarlyqsyz baǵa alǵan stýdentter teorııalyq oqytýmen qatar kelesi akademııalyq merzimde nemese jazǵy semestr kezeńinde praktıkaǵa qaıta jiberiledi.
85. Oqý jospary men baǵdarlamalardyń barlyq talaptaryn tolyq oryndaǵan bilim alýshylar qorytyndy memlekettik attestattaýǵa jiberiledi.
Bilim alýshylardy qorytyndy attestattaý – olardyń tıisti bilim berý deńgeıiniń joǵary jáne joǵary oqý ornynan keıingi bilimniń memlekettik jalpyǵa mindetti standartyn meńgerý dárejesin aıqyndaý maqsatynda júrgiziletin rásim.
Qorytyndy attestattaý tıisti mamandyqty ıgerý prosesinde bilim alýshylardyń alǵan bilimderin, sheberlikterin, daǵdylary men biliktiligin tekserýge baǵyttalǵan.
Qorytyndy attestattaý mamandyq boıynsha tutastaı nemese jekelegen bazalyq jáne/nemese beıindik pánder boıynsha jalpy memlekettik emtıhan tapsyrý jáne bitirýshiniń biliktilik jumysy (dıplomdyq jumys/joba) qorǵaý nemese basqa da profıldik beıinine sáıkes shyǵarmashylyq jumys, magıstrlik nemese doktorlyq jumysty júzege asyrylady.
86. Bilim alýshylardy qorytyndy attestattaýda baǵa memlekettik attestattaý komıssııasynyń barlyq músheleriniń pikirin jáne baldyq-reıtıngilik áriptik júıe boıynsha ıgerilgen bilimdi eskere otyryp qoıylady.
87. Bitirýshiniń biliktilik jumysy (dıplomdyq jumys-jobany nemese profıldik beıinine sáıkes basqa shyǵarmashylyq jumysty) qorǵaý baǵasy ǵylymı jetekshi pikirin, resenzent pikirin jáne qorǵaý nátıjelerin eskere otyryp, qoıylady.
Qorytyndy attestattaýdyń árbir nysany boıynsha baldyq-reıtıngilik áriptik júıe boıynsha jeke baǵa qoıylady.
88. Qorytyndy attestattaý nátıjeleri boıynsha bilim alýshyǵa tıisti akademııalyq bakalavr dárejesi, magıstr akademııalyq dárejesi taǵaıyndalyp jáne joǵary bilim týraly dıplom beriledi.
89. Stýdenttiń bir jylǵy akademııalyq úlgerim deńgeıi kredıtter men pán boıynsha qorytyndy baǵa týyndylary somasynyń oqytýdyń aǵymdaǵy kezeńi ishindegi kredıtter somasyna qatynasy retinde esepteletin ortasha ball (GPA) túrinde aıqyndalady.
90. Jazǵy emtıhan sessııasyn ótkizgennen keıin fakýltet dekanattary keıinnen málimetterdi ofıs tirkeýshige jibere otyryp toptar, sondaı-aq mamandyqtar men oqytý kýrstary boıynsha ortasha akademııalyq reıtıng (nemese GPA deńgeıi) boıynsha stýdentter men oqý toptaryn ranjırleýdi júrgizedi.
91. Ofıs tirkeýshisi fakýltetter usynǵan akademııalyq reıtıng týraly derekterdi, oqý jetistikterin syrttaı baǵalaý nátıjelerin qorytyndylaı otyryp, fakýltetterdi ranjırleýdi júrgizedi, joo boıynsha úzdik stýdentter men úzdik akademııalyq toptardy aıqyndaıdy jáne osy aqparatty joo-nyń veb-saıtyna ornalastyrady.
6. JOO-nyń ǵylymı jáne halyqaralyq qyzmeti
92. Ǵylymı-zertteý qyzmeti bilim men ǵylymnyń yqpaldasýyn qamtamasyz etýge, osy negizde ǵylymı-bilim berý prosesin,básekege qabiletti ǵylymı-zertteý jáne ınnovasııalyq qyzmetti ulttyq ınnovasııalyq júıeniń nátıjeliligi men tıimdiliginiń mańyzdy elementi retinde damytýǵa baǵyttalǵan.
Irgeli, izdengishtik, qoldanbaly ǴZJ jáne ınnovasııalyq qyzmetter joo-nyń qurylymdyq bólimshelerinde júzege asyrylady.
93. JOO-nyń ǵylymı-zertteý jumysy:
1) irgeli, izdengishtik, qoldanbaly ǵylymı-zertteýshilik, tájirıbelik-qurastyrýshylyq jumystardy jáne ınnovasııalyq qyzmet júrgizýdi;
2) ǵylymı-pedagogıkalyq qyzmetkerler men bilim alýshylardyń ǵylymı zertteýleri men shyǵarmashylyq qyzmeti arqyly jańa bilimderdi alýdy;
3) joǵary bilimdi damytýdyń teorııalyq jáne ádisnamalyq negizderin zertteýdi jáne ázirleýdi;
4) joo oqý prosesine oqytýdyń ınnovasııalyq tehnologııalaryn ázirleý men engizýdi;
5) ǵylymı zertteýler nátıjelerin oqý prosesine jáne óndiriske engizýdi;
6) óz ǵylymı mektepterin qalyptastyrýdy jáne damytýdy, ǵylymı-pedagogıkalyq qyzmetkerler men bilim alýshylardy ǵylymı-zertteý jumysyna belsendi tartýdy;
7) ázirlemelerdi kommersııalaý jáne ǵylymdy kóp qajet etetin jáne básekege qabiletti tehnıka men tehnologııalar transferti;
8) zertteýshiler men ázirleýshilerdiń zııatkerlik menshigi men avtorlyq quqyqtaryn qorǵaýdy;
9) tartylǵan qarajat pen ınnovasııalyq qyzmetti paıdalaný esebinen zertteýler men ázirlemelerdiń qarjylyq negizin keńeıtýdi;
10) bilim alýshylardyń ǴZJ-syn uıymdastyrýdy jáne jetekshilik etýdi qamtıdy.
Professorlyq-oqytýshylyq quram jeke jumys josparyna sáıkes negizgi jumys ýaqytynda óz qyzmetiniń mindetti quramdas bóligi retinde ǴZJ oryndaıdy.
94. JOO-nyń ǵylymı qyzmeti mamandar daıarlaý úderisiniń qajetti quramdas bóligi bolyp tabylady. Oqý jáne ǵylymı jáne ınnovasııalyq úrdisterdiń birligi:
stýdentterdi respýblıkalyq bıýdjet, basqa bıýdjetter, bıýdjetten tys qarjylandyrý kózderi esebinen oryndalatyn ǴZJ-na qatysýǵa tartý;
ǵylymı jáne ǵylymı-óndiristik bólimsheler bazasynda belsendi oqý jumysynyń, dıplomdyq jáne kýrstyq jobalaýdyń, oqý jáne óndiristik praktıkanyń, stýdentterdi maqsatty daıarlaýdyń jáne mamandar daıarlaýdyń basqa da áralýan nysandaryn júrgizý;
oqý jáne ǵylymı prosesterdi kompıýterlendirý, birtutas aqparattyq ortany qalyptastyrý jáne stýdentterdiń ınformatıkanyń zamanaýı ádisteri men quraldaryn ıgerýi esebinen qamtamasyz etiledi.
95. ǴZJ-syn úılestirýdi ǵylymı jumys jónindegi prorektor júzege asyrady.
Atalǵan bólimsheler ǴZJ damytý jáne aǵymdaǵy josparlaryn, eseptilik nysandaryn ázirleıdi, joo ǴZJ tizilimin júrgizedi, ǵylymı-zertteý qyzmet nátıjelerin qorytyndylaıdy, olardy jınaqtaıdy.
96. ǴZJ oryndaý nátıjeleri boıynsha kúntizbelik josparda kózdelgen aralyq jáne qorytyndy esepter jasalady. Esepte mazmundalǵan derekterdiń durystyǵyna ǴZJ jetekshileri men oryndaýshylar jaýapty bolady.
97. JOO-nyń halyqaralyq qyzmeti jetekshi sheteldik ýnıversıtettermen yntymaqtastyq jasaý baǵdarlamasynyń, halyqaralyq bilim berý baǵdarlamalary men jobalaryn iske asyrý, birlesken ǵylymı-zertteý qyzmetin júzege asyrý, ǵylymı-praktıkalyq semınarlar men konferensııalar uıymdastyrý, oqytýshylyq kadrlarmen almasý jáne stýdenttik utqyrlyqty damytý sheńberinde júzege asyrylady.
7. JOO qyzmetin aqparattyq jáne materıaldyq-tehnıkalyq qamtamasyz etý
98. JOO-nyń aqparattyq resýrstarmen qamtamasyz etilýi bilim berý qyzmetin júzege asyrýdyń mindetti sharty bolyp tabylady.
99. JOO-nyń aqparattyq resýrstary qalyptastyrylǵan ıdeıalar men bilimderdi, ártúrli derekterdi, olardyń jınaý ádisteri men quraldaryn, aqparat kózderi men tutynýshylary arasyndaǵy saqtaý men almasýdy bildiredi.
Aqparattyq resýrstar kez-kelgen tasymaldaǵyshtaǵy bilim berý baǵytyndaǵy (basqarýshylyq, oqý, ǵylymı, oqý-ádistemelik) tolyq mátindik, faktografııalyq jáne bıblıografııalyq derekter bazasyn, anyqtamalyq-izdestirý júıelerin, onyń ishinde dástúrli jáne elektrondy kitaphanalyq katalogtar men kartotekalardy, jergilikti qoljetimdiliktegi elektrondy resýrstardy, bilim berýshi aqparatty jasaýdy, saqtaýdy jáne paıdalanýdy qamtamasyz etetin baǵdarlamalyq quraldardy, aqparatty taratý arnalaryn, bilim berý maqsatty retinde paıdalanylatyn kommýnıkasııa quraldaryn qamtıdy.
100. Kitaphana qory aqparattyq resýrstardyń quramdas bóligi bolyp tabylady jáne oqý, oqý-ádistemelik jáne ǵylymı ádebıetti, sondaı-aq zańnamalyq jáne normatıvtik quqyqtyq aktilerdi qamtıdy.
Joǵary bilim berýdiń bilim berý baǵdarlamalaryn iske asyrý bilim alýshylardyń elektrondy kitaphanalarda ornalastyratyn halyqaralyq derekkózderdi qosa alǵanda, kitaphana qoryna, kompıýterlik tehnologııalarǵa, oqý-ádistemelik jáne ǵylymı ádebıetke, oqý, ǵylymı, aqparattyq derekter bazasyna, erkin qol jetkizýmen qamtamasyz etiledi.
Oqý jáne ǵylymı ádebıetter qory keltirilgen stýdentter kontıngentine qatynasy boıynsha oqytýdyń tolyq sıklynda basylymnyń keminde 140 birligin quraýy tıis. Kitaphana qory sońǵy 10 jylda shyǵarylǵan negizgi oqý ádebıetinen turady. Bul rette qazaq jáne orys tilderindegi basylymdar oqytý tili boıynsha bilim alýshylar kontıngentine barabar bolýy tıis.
Sıfrly tasymaldaǵyshtardaǵy oqý ádebıetterimen qamtylý mamandyqtyń oqý josparynyń bazalyq jáne beıindik pánderiniń keminde 40%-yn quraıdy.
101. Mádenıet jáne óner salasyndaǵy mamandardy daıyndaýǵa arnalǵan ádebıetterge kitaptar, nota jınaqtary, partıtýralar jáne klavırler jatady.
102. Oqý-ádistemelik ádebıetterge oqý-ádistemelik quraldar, ádistemelik quraldar, dıdaktıkalyq, kórneki quraldar, oqý-ádistemelik ázirlemeler, pándi oqytý boıynsha ádistemelik nusqaýlyqtar nemese usynymdar, zerthanalyq, kýrstyq, dıplomdyq jáne basqa da jazba jumys túrlerin oryndaý jónindegi ádistemelik nusqaýlyqtar, oqý pánderi boıynsha anyqtamalyq quraldar men basylymdar jatady.
103. JOO kitaphanasynyń ǵylymı qory mamandardy daıarlaý baǵyttary men mamandyqtaryna zertteý salasyn qamtıtyn monografııalyq, ǵylymı jáne ǵylymı-óndiristik sıpattaǵy kitaptar tizbesin qamtıdy.
Ǵylymı qorǵa sondaı-aq ensıklopedııalar, sózdikter, anyqtamalyqtar, túsiniktemeler, baǵdarlama boıynsha oqytylatyn ádebı shyǵarmalar, normatıvtik quqyqtyq aktiler, merzimdi basylymdar, onyń ishinde bilim berý uıymdarynyń habarshylary, ǵylymı eńbekterdiń, oqytý beıinine sáıkes keletin halyqaralyq konferensııalardyń jınaqtary kiredi.
104. Oqý ádebıetiniń óz basylymdary oqý quraldaryn, oqý-ádistemelik quraldardy qamtıdy.
Ádistemelik ádebıettiń óz basylymdary ádistemelik usynystardy, oqý pánderin oqytý, ıgerý, oqý jumystarynyń jekelegen túrlerin oryndaý boıynsha nusqaýlar men quraldardy qamtıdy.
105. JOO oqý-ǵylymı aqparattyq aktıvterin jınaý, jınaqtaý, saqtaý, shyǵarý prosesteri bilim berý uıymdary kitaphanalarynyń jumysy jónindegi ádistemelik materıaldarǵa sáıkes júzege asyrylady.
106. JOO-larda ınternet resýrsty, aqparattyq-bilim portalyn, oqytýdyń kredıttik tehnologııasyn qamtamasyz etýdiń avtomattandyrylǵan júıesin, joo jergilikti jelilerinde ornalasqan aqparattyq-bilim resýrstarynyń jıyntyǵyn jáne joo-nyń kez kelgen kompıýterinen ınternetke jolaqty jáne joǵary jyldamdyqta barlyq aqparattyq resýrstarǵa qol jetimdilikti júzege asyrýǵa múmkindik beretin tarmaqtalǵan kompıýterlik jelini qamtıtyn joǵary tehnologııalyq aqparattyq-bilim berý ortasy qurylýy tıis.
107. Aqparattyq jáne oqý-ádistemelik qamtamasyz e